Մալայզիական Boeing-ի «սեւ արկղերը» կվերծանվեն Մեծ Բրիտանիայում
Մեծ Բրիտանիան համաձայնել է վերծանել Ուկրաինայում կործանված մալայզիական Boeing-ի «սեւ արկղերը», «Թվիթեր»-ի իր միկրոբլոգում երեքշաբթի գրել է վարչապետ Դեյվիդ Քեմերոնը:
«Մենք դրական ենք պատասխանել Նիդեռլանդների` Ֆարնբորոյի փորձագետներին «սեւ արկղերը» հանձնելու դիմումին»,-նշել է Քեմերոնը:
Ավելի վաղ Նիդեռլանդները, որի տարածքում ICAO-ի ղեկավարությամբ պետք է անցկացվի մալայզիական օդանավի կործանման հանգամանքների հետաքննություն, բրիտանական կողմին հարցում էր ուղարկել «սեւ արկղերը» Բրիտանական հետաքննությունների բյուրոյում վերծանելու վերաբերյալ:
Նիդեռլանդներում հուլիսի 23-ը համազգային սգո օր է հայտարարված: Հենց այդ օրն էլ վայրէջք կկատարի կործանված օդանավի զոհերի աճյունները տեղափոխող առաջին ինքնաթիռը:
