Վրաստանի վարչապետը բացառել է արտահերթ խորհրդարանական ընտրություններ անցկացնելու հավանականությունը
Новости-Грузия լրատվական գործակալության փոխանցմամբ՝ Վրաստանի վարչապետ Իրակլի Գարիբաշվիլին այսօր լրագրողների հետ ունեցած արտակարգ ճեպազրույցում բացառել է երկրում արտահերթ խորհրդարանական ընտրություններ անցկացնելու հավանականությունը.
«Դա բացառված է: Վրաստանում խորհրդարանական ընտրություններ չեն անցկացվի մինչև 2016 թվականը: Մենք ունեցել ենք ավելի քան բավականաչափ խորհրդարանական ընտրություններ»:
Անդրադառնալով Վրաստանի կառավարությունում կատարած կադրային փոփոխություններին՝ Գարիբաշվիլին դա պայմանավորել է կառավարության աշխատանքների արդյունավետությունը մեծացնելու ցանկությամբ: Գարիբաշվիլին կարևորել է, որ կատարվեն բոլոր այն խոստումները, որոնք «Վրացական երազանք» դաշինքը տվել է ժողովրդին:
