Ֆինանսական բուրգի գործով ամբաստանյալի համար շտապօգնություն էր հրավիրվել. դատական նիստը հետաձգվեց
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում այսօր նշանակված էր ֆինանսական բուրգի գործով դատական նիստը: Դատական նիստը սկսվելուց առաջ ամբաստնյալ Արթուր Անդրեասյանի համար շտապօգնություն էր հրավիրվել, ամբաստանյալը գանգատվել էր գլխացավերից: Դատարանում ամբաստանյալը հայտնեց, որ «բժժած է». «Գլխացավս չի թողնում…»։
Ամբաստանյալի պաշտպան Մնացական Սարգսյանն էլ ասաց, որ Ա. Անդրեասյանին անալգին-դիմեդրոլ է ներարկվել: «Գտնում եմ, որ այս պայմաններում հնարավոր չէ դատական նիստը շարունակել»,- ասաց պաշտպանը՝ խնդրելով դատական նիստը հետաձգել և նշանակել մեկ այլ օր: Դատարանը հետաձգեց դատական նիստը՝ հաջորդը նշանակելով հուլիսի 30-ին:
