ԵՄ-ը վրացական ապրանքների համար մաքսատուրքերը վերացնում է սեպտեմբերի 1-ից
Грузия Online-ի փոխանցմամբ՝ ԵՄ-ի շուկաներ մուտք գործող վրացական ապրանքների համար մաքսատուրքերը կվերացվեն 2014 թվականի սեպտեմբերի 1-ից: Այս մասին հայտարարել է Վրաստանի էկոնոմիկայի ու կայուն զարգացման փոխնախարար Միխայիլ Ջանելիձեն:
Այդ ռեժիմը պլանավորված է գործարկել հունիսի 27-ին ԵՄ-ի ու Վրաստանի միջև ստորագրված Ասոցացման համաձայնագրի գործունեության շրջանակներում: Որպեսզի այդ համաձայնագիրը մտներ ուժի մեջ, անհրաժեշտ է, որ դա վավերացնեն Վրաստանի խորհրդարանը, Եվրախորհրդարանը և ԵՄ-ի անդամ երկրների խորհրդարանները:
Վրաստանի խորհրդարանն Ասոցացման համաձայնագիրը վավերացրել է ուրբաթ՝ իր լիագումար նիստում:
