Մալայզիական օդանավը կործանած ՀՕՊ-ի համակարգն անջատողականներին տրամադրել է ՌԴ-ը. Ջոն Քերի
Deutsche Welle-ի փոխանցմամբ՝ հակաօդային պաշտպանության (ՀՕՊ) համակարգը, որով կործանել են մալայզիական «Բոինգ» ինքնաթիռը, ռուսամետ անջատողականների ձեռքում հայտնվել է Ռուսաստանից: Այս մասին CNN հեռուստաալիքի ուղիղ եթերում հայտարարել է ԱՄՆ պետքարտուղար Ջոն Քերին:
Նա ընդգծել է, որ բոլոր հանցանշաններն ակնհայտորեն վկայում են, որ օդանավը կործանել են անջատողականները: Քերիի խոսքերով՝ ՀՕՊ-ի համակարգը, որից հուլիսի 17-ին կրակել են մալայզիական օդանավի վրա, կոչվում է «Բուկ»: Քերին վստահություն է հայտնել, որ ուկրաինական բանակն օդանավի կործանման վայրի մոտակայքում չունի նմանատիպ հրթիռային համակարգ:
