Զինվորի մահվան դեպքով որպես կասկածյալ ձերբակալվել է շարքային զինծառայողը
Լեռնային Ղարաբաղի զորամասերից մեկում հրազենային վիրավորումից մահացած զինծառայող Գևորգ Արտեմի Ավագյանի մահվան դեպքով քրեական գործ է հարուցվել:
Ինչպես 168.am-ին փոխանցեց ՀՀ ՊՆ քննչական ծառայության ավագ սպա Մերի Սարգսյանը, քրեական գործ է հարուցվել ՀՀ քրեական օրենսգրքի 104-րդ հոդվածի 1-ին մասով՝ սպանություն (պատժվում է ազատազրկմամբ` ութից տասնհինգ տարի ժամկետով):
«Որպես կասկածյալ ձերբակալվել է շարքային Արմեն Հրաչյայի Սարգսյանը»,- մեզ հետ զրույցում ասաց Մերի Սարգսյանը:
Հիշեցնենք, որ ԼՂՀ ՊՆ մամուլի ծառայությունը հաղորդագրություն էր տարածել այն մասին, որ այսօր՝ ժամը 07:00-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասի մարտական հենակետերից մեկում մահացու հրազենային վիրավորում է ստացել զինծառայող, 1994թ. ծնված Գևորգ Արտեմի Ավագյանը:
