Ռուսաստանն արգելել է Մոլդովայից մրգերի ներկրումը
Ռուսական РИА Новости լրատվական գործակալության փոխանցմամբ՝ Ռուսաստանի Անասնաբուժական ու բուսասանիտարական դաշնային ծառայությունը (Россельхознадзор) ժամանակավոր սահմանափակումներ է մտցրել Մոլդովայից թարմ մրգերի ներկրման վրա:
Այս մասին նշված է ռուսական գերատեսչության տարածած հայտարարությունում: Մոլդովայից մրգերի ներկրումը Ռուսաստան արգելվել է նաև ուղևորների ձեռքի ուղեբեռի միջոցով:
Նախորդ շաբաթ Россельхознадзор-ը զգուշացրել է, որ կարող է սահմանափակել Մոլդովայից խնձորի, ծիրանի ու շլորի ներկրումը, քանի որ նախորդ տարի ներկրման ժամանակ դրանցում հայտնաբերվել է վտանգավոր տարր:
