Իլհամ Ալիևն այցելել է առափնյա պաշտպանության նորաբաց նավաշինարան
AzerTag գործակալության փոխանցմամբ՝ Ադրբեջանի նախագահ Իլհամ Ալիևն այսօր Թյուրքան գյուղում մասնակցել է Պետական սահմանային ծառայության առափնյա պաշտպանության նավաշինական նոր գործարանի բացման արարողակարգին: Այս մասին հայտարարել է Ադրբեջանի սահմանապահ զորքերի հրամանատար, գեներալ Էլչին Գուլիևը:
Ալիևը ծանոթացել է գործարանի գլխավոր պլանի ու մակետի հետ, ապա զննել է կառուցվող նավը: Ալիևը ծանոթացել է նաև գործարանում կառուցվող մյուս նավերի տեխնիկա-տակտիկական առանձնահատկությունների հետ: Բացի այդ, Ալիևը հետևել է սահմանային պահականավի մանևրներին:
