Ռուսաստանը պնդելու է, որ Ուկրաինայում գրանցված ավիաաղետի շուրջ անցկացվի անկողմնակալ հետաքննություն. Լավրով
Россия-24 հեռուստաալիքին տված հարցազրույցի ժամանակ Ռուսաստանի արտգործնախարչար Սերգեյ Լավրովը հայտարարել է, որ Ռուսաստանը պնդելու է, որպեսզի Դոնեցկի մարզում մալայզիական Boeing օդանավի կործանման հարցով անցկացվի օբյեկտիվ հետաքննություն.
«Մենք պնդելու ենք, որ անցկացվի չափազանց օբյեկտիվ, առավելագույն բաց, անկախ հետաքննություն: Ռուսաստանը պատրաստ է ունենալ իր ներդրումը, սակայն բնականաբար մենք կարծում ենք, որ նման նախաձեռնությամբ պետք է հանդես գան այն երկրի իշխանությունները, որոնց տարածքում գրանցվել է այդ աղետը»:
