Մերկելը Ռուսաստանին մեղադրել է Ուկրաինա զենք մատակարարելու մեջ
Բրիտանական Reuters լրատվական գործակալության փոխանցմամբ՝ Գերմանիայի կանցլեր Անգելա Մերկելը հայտարարել է, որ Ուկրաինայի արևելքում գործող զինյալները լավ սպառազինված են, որ նրանց զենքի մի մասը մատակարարվել է Ռուսաստանից.
«Դա հիրավի այդպես է: Զինյալները շատ լավ են զինված, և կան բազմաթիվ ցուցիչներ, որ այդ զենքի մի մասը մատակարարվել է Ռուսաստանից: Դրա համար էլ սահմանային ռեժիմը մեզ համար ունի առաջնահերթ նշանակություն»:
Սրանից առաջ էլ Մերկելն Ուկրաինայում հակամարտող կողմերին կոչ էր արել հրադադար հաստատել, որպեսզի հնարավորություն լինի՝ անկախ հետաքննություն անցկացնելու մալայզիական օդանավի կործանման կապակցությամբ:
