Ուկրաինայում քաղաքացիական օդանավերի համար փակել են հակաահաբեկչական գործողության օդային տիրույթը
ZN.UA-ի փոխանցմամբ՝ Ուկրաինայի պետական ավիացիոն ծառայությունը Դոնեցկի մարզում մալայզիական օդանավի կործանման մասին տեղեկատվության հաստատումից հետո թռիչքների համար ամբողջովին փակել է Դոնեցկի ու Լուգանսկի մարզերի, ինչպես նաև Խարկովի մարզի մի մասի օդային տիրույթը:
Ուկրաինայի կառավարությունը հատուկ հանձնաժողով է ստեղծել օդանավի կործանումը հետաքննելու նպատակով: Օդանավի կործանման պատճառները պարզելում շահագրգռված են նաև միջազգային կազմակերպությունները: Հետաքննությանը հրավիրվելու են նաև այն երկրների ավիացիոն իշխանությունների ներկայացուցիչները, որոնց քաղաքացիները գտնվել են ինքնաթիռում:
Ընդհանուր առմամբ, մալայզիական օդանավում գտնվել են 9 երկրների քաղաքացիներ: ԱՄՆ-ի քաղաքացիների թիվը կազմել է 23:
