Ռուսական «Աէրոֆլոտ» ավիաընկերությանը թույլատրվել է վերսկսել դեպի Վրաստան կանոնավոր չվերթները
Грузия Online-ի փոխանցմամբ՝ ռուսական «Աէրոֆլոտ» ավիաընկերությունը Ռուսաստանի ավիաիշխանություններից ստացել է դեպի Վրաստանի կանոնավոր ավիափոխադրումները վերսկսելու թույլտվություն: Այս մասին նշված է Ռուսաստանի օդային տրանսպորտի դաշնային գործակալության (Ռոսավիացիա) կայքում:
Ավելի վաղ հաղորդվել էր, թե ռուսական ավիաընկերությունն այդպիսի թույլտվություն ստացել էր նաև հունիսի սկզբին: Սակայն դրանից երկու շաբաթ անց ՌԴ ԱԳՆ-ը որոշում ընդունեց մերժել ռուսական ավիափոխադրողին՝ կապված դեպի Վրաստան կանոնավոր ավիաչվերթները վերսկսելու հետ:
Նման թույլտվություն ստացել է նաև «Յուտեյր» ավիաընկերությունը, որն «Աէրոֆլոտի» նման մտադիր է շաբաթական 7 չվերթ իրականացնել դեպի Թբիլիսի:
