Մալայզիական կործանված Boeing 777-ում գտնվել է 80 անչափահաս. Osterreich
Ավստրիական Osterreich թերթի փոխանցմամբ՝ Ուկրաինայի տարածքում կործանված Malaysia Airlines ավիաընկերության Boeing 777 օդանավում գտնվել է 80 երեխա: Սակայն դա պաշտոնական տեղեկատվություն չէ: Օդանավն Ամստերդամից չվերթ էր իրականացնում դեպի Կուալա Լումպուր:
Ավելի վաղ ավիափոխադրողը հայտնել էր, որ օդանավում գտնվել է 295 մարդ՝ 280 ուղևոր և 15 հոգանոց անձնակազմը: Ուղևորների թվում գտնվել են ԱՄՆ-ի 23 քաղաքացիներ: Բոլոր ուղևորները զոհվել են: Այսօր առավոտյան ժամը 07.00-ի դրությամբ հայտնաբերվել են նրանցից 121-ի դիակները:
