Աբդուլլահ Գյուլը հաստատել է քրդական հարցի կարգավորման «ճանապարհային քարտեզը»
Թուրքական Milliyet թերթի փոխանցմամբ՝ Թուրքիայի նախագահ Աբդուլլահ Գյուլը հաստատել է «Ահաբեկչության դադարեցման ու սոցիալական ինտեգրման ամրապնդման» անվանմամբ օրինագիծը, որն անվանում են նաև քրդական հարցի կարգավորման «ճանապարհային քարտեզ»:
Թուրքիայի կառավարությունը տվյալ օրինագիծը խորհրդարանի դիտարկմանն է ներկայացրել այս տարվա հունիսի վերջին, իսկ խորհրդարանը դա ընդունել է հուլիսի 10-ին:
Քրդական հարցի կարգավորման ընթացիկ գործընթացի արագացմանը միտված և 6 հոդվածից բաղկացած օրինագիծն իրավական հիմք կապահովի բանակցությունների համար, ինչպես նաև անձեռնմխելիություն կապահովի դրանց մասնակիցների համար: Օրինագիծը կնպաստի կարգավորման գործընթացում կոնկրետ քայլեր կատարելուն:
