ՄԻԵԴ-ը սկսել է դիտարկել ՌԴ-ի դեմ Ուկրաինայի ներկայացրած հայցը
ZN.UA-ի փոխանցմամբ՝ Մարդու իրավունքների եվրոպական դատարանը (ՄԻԵԴ) սկսել է դիտարկել Ուկրաինայի ներկայացրած հայցը՝ կապված Ռուսաստանի կողմից Ղրիմը բռնակցելու հետ: ՄԻԵԴ-ը ներկայումս հետազոտում է Ուկրաինական կողմի ներկայացրած հանգամանքները:
Այս մասին հայտարարել է Ուկրաինայի արդադատության նախարարության պաշտոնյան: Նրա խոսքերով՝ ուկրաինական կողմը շարունակում է հավաքել ու վերլուծության ենթարկել նույն թեմայով տվյալներ, որոնք հետագայում կարող են հավելվել ներկայացված հայցին:
Ուկրաինայի կառավարությունը ՄԻԵԴ-ին այդ հայցը ներկայացրել է 2014 թվականի մարտի 13-ին: Հայցում խոսք է գնում այս տարվա փետրվարից Ղրիմի թերակղզում և ընդհանրապես Ուկրաինայի տարածքում Ռուսաստանի կողմից կատարված իրավախախտումների մասին:
