Ալիևը ցավակցել է Պուտինին
Ադրբեջանական Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևն իր ցավակցություններն է հայտնել Ռուսաստանի նախագահ Վլադիմի Պուտինին՝ կապված երեկ Մոսկվայի մետրոպոլիտենում գրանցված խոշոր վթարի հետ:
Ալիևն ընդգծել է, որ իրենց մեծապես տխրեցրել է վթարի հետևանքով մարդկային զոհեր գրանցվելու մասին տեղեկատվությունը: Ալիևը բոլոր տուժածներին մաղթել է շուտափույթ վերականգնում:
Մոսկվայի մետրոպոլիտենում գրանցված երեկվա վթարի հետևանքով զոհվել է 22 և հոսպիտալացվել է 129 մարդ: Այսօր Մոսկվայում սուգ է հայտարարվել:
