ՌԴ ՊՆ-ն այս տարի կստանա 100 նոր մարտական ինքնաթիռ
Ռուսական ИТАР-ТАСС լրատվական գործակալության փոխանցմամբ՝ Ռուսաստանի ՊՆ-ը 2014 թվականին կստանա մոտ 100 մարտական ինքնաթիռ, ևս 15 ինքնաթիռ մինչև տարեվերջ կփոխանցվի օտար պատվիրատուներին: Այս մասին հայտարարել է Միացյալ ավիաշինական ակորպորացիայի ներկայացուցիչ Վլադիմիր Միխայլովը:
Նա ընդգծել է, որ եթե 2000-ական թվականների կեսերին ՊՆ-ին տարեկան հանձնվել է 1-2 ինքնաթիռ, ապա ներկայումս խոսքը գնում է տասնյակների մասին, և որ այդ ցուցանիշն ընդհուպ մոտեցել է մինչև 100-ի: Միխայլովը հավելել է, որ այդպիսի դինամիկան կպահպանվի միջնաժամկետ հեռանկարում:
Միխայլովի խոսքերով՝ հայրենական արտադրության վեցերորդ սերնդի առաջին ինքնաթիռը կստեղծվի մոտ 12 տարի անց: Նա առավել իրատեսական է համարում, որ այդ ինքնաթիռը կարտադրվի 2020-ական թվականների երկրորդ կեսին:
