Ադրբեջանի ՊՆ-ն արձագանքել է դիվերսանտների մասին Սեյրան Օհանյանի հայտարարությանը
Ադրբեջանական Turan լրատվական գործակալության փոխանցմամբ՝ Ադրբեջանի ՊՆ-ի մամլո ծառայությունն արձագանքել է Հայաստանի պաշտպանության նախարար Սեյրան Օհանյանի այն հայտարարությանը, որ Ադրբեջանը քրեական տարրերն օգտագործում է որպես դիվերսանտներ:
Ադրբեջանի ՊՆ-ը հայտարարել է, որ Սեյրան Օհանյանի այդ հայտարարությունը «անհիմն» է. «Քարվաճառը հանդիսանում է Ադրբեջանի տարածք և երկրի քաղաքացիներն իրավունք ունեն ազատորեն գնալ և տեղաշարժվել այնտեղ»:
Ադրբեջանի ՊՆ-ն ընդգծել է, որ «երկրի զինված ուժերն ունեն բոլոր հնարավորությունները՝ կատարելու համար ամեն տիպի ռազմական առաջադրանք կամ գործողություն՝ առանց քաղաքացիական անձանց ներգրավելու»:
