Էքմելեդդին Իհսանօղլուն քննադատել է ՄԱԿ-ին
Թուրքական Anadolu լրատվական գործակալության փոխանցմամբ՝ Թուրքիայի նախագահի թեկնածու Էքմելեդդին Իհսանօղլուն երեկ այցելել է Անկարայում Պաղեստինի դեսպանատուն, ուր և քննադատել է ՄԱԿ-ին՝ կապված նրա հետ, որ այդ կազմակերպությունը չի քննադատում Իսրայելին՝ սեփական կոչերն անտեսելու համար.
«Դուք չեք կարող անկողմնակալ լինել տիրանի ու անմեղի միջև, ճնշողի ու ճնշվողի միջև»: ՄԱԿ ԱԽ-ը հուլիսի 13-ին հրադադարի կոչ էր արել Իսրայելի ու Գազայի հատվածի միջև: Իհսանօղլուն կարծում է, որ այդ բանաձևը չի եղել ամբողջական, քանի որ նա չի դատապարտել Իսրայելի գործողությունները՝ պահանջելով միայն հրադադար:
Գազայի հատվածում զոհերի թիվն արդեն իսկ հասել է 200-ի:
