Թուրքմենստանը չի դիտարկում Եվրասիական տնտեսական միությանն անդամակցելու հարցը
Ռուսական РИА Новости լրատվական գործակալության փոխանցմամբ՝ Թուրքմենստանը Ռուսաստանը համարում է ռազմավարական գործընկեր, սակայն չի դիտարկում Եվրասիական տնտեսական միությանը (ԵՏՄ) անդամակցելու հարցը: Այս մասին երեկ հայտնել է Ռուսաստանում Թուրքմենստանի դեսպան Բերդիմուրատ Ռեջեփովը:
Դեսպանը հիշեցրել է Թուրքմենստանի նախագահ Գուրբանգուլի Բերդիմուհամեդովի խոսքերը, որ երկու երկրների միջև ապրանքաշրջանառության ծավալը կազմում է 5 միլիարդ դոլար, ինչը վկայում է, որ Ռուսաստանը Թուրքմենստանի խոշորագույն առևտրա-տնտեսական գործընկերներից մեկն է:
Ռեջեփովի խոսքերով՝ Թուրքմենստանն ու Ռուսաստանը քաղաքական պլանում միմյանց աջակցում են ՄԱԿ-ում, ԵԱՀԿ-ում, ԱՊՀ-ում, միջազգային այլ կառույցներում: Նա հավելել է, որ երկու երկրներն ընդհանուր մոտեցում ունեն նաև Կասպյան խնդրի շուրջ:
