Իրանին ուրան հարստացնելու իրավունք տալը կվերածվի աղետի. Նեթանյահու

Fox News հեռուստաալիքին տված հարցազրույցի ժամանակ Իսրայելի վարչապետ Բենիամին Նեթանյահուն հայտարարել է, որ յուրաքանչյուր համաձայնագիր, որով Իրանին իրավունք կվերապահվի ուրան հարստացնել, կվերածվի աղետի. «Դա աղետ կլինի ԱՄՆ-ի ու մյուսների համար»:

Սրանից առաջ Իրանի արտգործնախարար Մոհամմադ Ջավադ Զարիֆը հայտարարել էր, որ իր երկիրը շահագրգռված չէ միջուկային զենքի մշակման մեջ, և որ Իրանը կարող է տարածաշրջանում իր ազդեցությունն ապահովել առանց դրա:

Նեթանյահունիր անհամաձայնությունն է հայտնել դրան. «Դա կատակ է: Բնականաբար, նրանք միջուկային զենք են մշակում»: Երեկ Վիեննայում մեկնարկել է Իրանի ու «Վեցյակի» միջև նախարարական հանդիպումը, որը կոչված է արագացնել Իրանի միջուկային ծրագրի շուրջ համապարփակ համաձայնագրի ստորագրումը: