Թբիլիսիում անցկացվել է Էդուարդ Շևարդնաձեի հուղարկավորությունը (տեսանյութ)
Новости-Грузия լրատվական գործակալության փոխանցմամբ՝ երեկ Թբիլիսիում տեղի է ունեցել երկրի նախկին նախագահ Էդուարդ Շևարդնաձեի հուղարկավորությունը:
Շևարդնաձեն տևական հիվանդությունից հետո մահացել է հուլիսի 7-ին, 86 տարեկան հասակում: Թբիլիսիում նրա հոգեհանգստի արարողությունը տևել է 4 օր, ինչից հետո տեղի է ունեցել հուղարկավորման արարողությունը:
Շևարդնաձեի հուղարկավորման արարողությանը ներկա են գտնվել Վրաստանի ղեկավարության ներկայացուցիչներ, քաղաքական ու հասարակական գործիչներ, օտար պատվիրակություններ, ինչպես նաև Շևարդնաձեին հրաժեշտ տալու նպատակով 28 երկրից Վրաստան ժամանած հյուրեր:
