Սեյրան Օհանյանը այց է կատարել պաշտպանական հատված, որտեղ կատարվում են որոշակի բացառիկ օպերատիվ գործողություններ
Երեկ երեկոյան ՀՀ ՊՆ Սեյրան Օհանյանը աշխատանքային այց է կատարել հայկական զինված ուժերի այն ստորաբաժանումների պաշտպանական հատված, որտեղ կատարվում են որոշակի բացառիկ օպերատիվ գործողություններ: Այս մասին իր ֆեյսբուքյան էջում գրել է ՀՀ ՊՆ մամլո խոսնակ Արծրուն Հովհաննիսյանը:
«Նախարարը տեղում մանրակրկիտ ծանոթացել է իրավիճակին, լսել է համապատասխան հրամանատարների զեկույցները, խորհրդակցություն է անցկացրել այն ստորաբաժանումների հրամանատարների հետ, որոնք իրականացնում են այդ աշխատանքը սահմանագոտու համապատասխան հատվածում: ՊՆ Սեյրան Օհանյանը տվել է համապատասխան հանձնարարականներ»,-գրել է ՊՆ մամլո խոսնակը:
