Ռոբին վան Պերսին իր բրոնզե մեդալը նվիրել է «Նարնջագույն գեներալին»
101greatgoals-ի փոխանցմամբ` Հոլանդիայի հավաքականի հարձակվող Ռոբին վան Պերսին Բրազիլիայում ընթացող Աշխարհի առաջնության երրորդ տեղի համար խաղում Բրազիլիայի հավաքականին հաղթելուց (3:0) հետո իր բրոնզե մեդալը նվիրել է երկրպագուներից մեկին:
Պարգևատրման արարողությունից հետո 30-ամյա ֆուտբոլիստը մոտեցել է տրիբունային և իր մեդալն ու ավագի թևկապը հանձնել է «Նարնջագույն գեներալ» մականունով հայտնի հոլանդացի ֆանատին, ով 1994 թվականի Աշխարհի առաջնությունից սկսած` ռազմական հանդերձանքով ներկա է գտնվում Հոլանդիայի հավաքականի բոլոր հանդիպումներին:
Բրազիլիայի հավաքականի հետ խաղում աչքի է ընկել խփած գոլորվ` իրացնելով 11 մետրանոց հարվածը: Ընդհանուր առմամբ, Ռոբին վան Պերսին Բրազիլիայում Աշխարհի առաջնության ժամանակ խփել է 4 գնդակ, ինչը նրան հնարավորություն տվեց դառնալու մրցաշարում իր թիմի լավագույն ռմբարկու:
