Բան Կի Մունը պաշտոնապես հրապարակել է Սիրիայի հարցերով իր նոր հատուկ ներկայացուցչի անունը
Ռուսական РИА Новости լրատվական գործակալության փոխանցմամբ՝ ՄԱԿ-ի գլխավոր քարտուղար Բան Կի Մունը պաշտոնապես հայատարարել է Սիրիայի հարցերով իր հատուկ ներկայացուցչի պաշտոնում իտալացի դիվանագետ Ստաֆան դե Միստուրայի նշանակման մասին:
ՄԱԿ-ի ղեկավարն ընդունել է Սիրիայի հարցերով իր հատուկ ներկայացուցչի պաշտոնում ալժիրցի Լախդար Բրահիմիի հրաժարականը: Բրահիմին հրաժարական էր ներկայացրել այն բանից հետո, ինչ ցանկալի արդյունք չէին տվել Սիրիայի իշխանությունների ու ընդդիմության միջև քաղաքական երկխոսություն հաստատելու ուղղությամբ նրա փորձերը:
Ստաֆան դե Միստուրան ավելի վաղ տարբեր պաշտոններ է զբաղեցրել ՄԱԿ-ի կառույցներում, ինչպես նաև հանդիսացել է Իտալիայի փոխարտգործնախարար:
