Հյուսիսային Իրաքի քրդերը սուննի զինյալներից պաշտպանվելու համար փոս են փորում ողջ սահմանի երկայնքով
Թուրքական Anadolu լրատվական գործակալության փոխանցմամբ՝ Հյուսիսային Իրաքի քրդական ինքնավարությունը որոշել է «Իսլամական պետություն» խմբավորման զինյալներին դիմագրավելու և իր տարածքները (նաև Քիրքուքը) պահպանելու համար սահմանի ողջ երկայնքով փորել մեծ փոս:
Խոսքը գնում է 1050 կիլոմետր երկայնքով փոսի ստեղծման մասին, որի խորությունը կազմելու է 2-3 մետր: «Իսլամական պետություն» խմբավորման զինյալներն Իրաքի տարածքում իրենց վերջին նվաճումներից հետո դարձել են քրդերի նոր հարևանը: Փոսի կառուցումը կնպաստի քրդական ինքնավարության դեմ ահաբեկչական հարձակումների կանխարգելմանն ու անվտանգության ապահովմանը:
