Ռուսաստանը Վրաստանին առաջարկել է վերականգնել կանոնավոր օդային ավիափոխադրումները
Ռուսաստանը Վրաստանին պաշտոնական նոտա է ուղարկել` կանոնավոր օդային հաղորդակցությունը երկու երկների միջեւ վերականգնելու առաջարկով: Այս մասին հաղորդում է ԻՆՏԵՐՖԱՔՍ գործակալությունը` վկայակոչելով Վրաստանի տնտեսության եւ կայուն զարգացման փոխնախարար Նաթիա Միքելաձեին:
Մոսկվա –Թբիլիսի եւ Թբիլիսի-Մոսկվա ուղղություններով թռիչքների վերականգնումը նախատեսվում է սեպտեմբերի 15 -ից: Մինչ այդ երկու երկրների համապատասխան մարմինները նախապատրաստական աշխատանքներ կիրականացնեն:
«Մինչեւ սեպտեմբերի 1-ը կողմերի ավիացիոն իշխանությունները կներկայացնեն այն ավիաընկերությունների հստակ ցանկը, որոնք սեպտեմբերի 15 -ից կսկսեն կանոնավոր չվերթները Թբիլիսիի եւ Մոսկվայի միջեւ»,-ասել է վրացի պաշտոնյան:
Երկու երկրների միջեւ օդային հաղորդակցությունը դադարել էր 2008 թ. հակամարտությունից հետո:
