Նաիրիտցիները բողոքի ակցիայով կպահանջեն ավելի քան մեկ տարվա աշխատավարձը. Tert.am
Աշխատավարձերի և «Նաիրիտի» ճակատագրի հարցերի վերաբերյալ հստակ պատասխան ստանալու պահանջով վաղը՝ ժամը 09:00-ից, «Նաիրիտ» գործարանից աշխատակիցները բողոքի ակցիա կկազմակերպեն և երթով կշարժվեն Կառավարություն: Այս մասին Tert.am-ին հայտնեց գործարանի մամուլի քարտուղար Անուշ Հարությունյանը:
«Բոլորը ցանկանում են իմանալ, թե ինչ է լինելու «Նաիրիտի» ճակատագիրը: Արդեն 4,5 տարի է, ինչ Նաիրիտը չի աշխատում: Աշխատակիցների քանակը մոտավորապես 2300 է, որից գրեթե 1200 պարապուրդում են, և ովքեր հնարավորություն կունենան, վաղը կմասնակցեն ակցիային: Մոտավորապես 1-1,5 տարվա աշխատավարձի պարտք կա»,- ասաց նա:
Ինչ վերաբերում է Կառավարության արձագանքին, ապա Անուշ Հարությունյանն ասաց, որ Կառավարությունը, բնականաբար, անդրադառնում է խնդրին, փորձում է ելքեր գտնել, սակայն աշխատակիցները հստակություն են ցանկանում:
Ամբողջությամբ կարող եք կարդալ սկզբնաղբյուր կայքում:
