Իհսանօղլուն ակնկալում է Թուրքիայի նախագահական ընտրություններում հավաքել քվեների 60 տոկոսը
Թուրքական Bugün թերթի փոխանցմամբ՝ թուրքական ընդդիմության միասնական թեկնածու Էքմելեդդին Իհսանօղլուն հայտարարել է, որ ակնկալում է օգոստոսի 10-ին կայանալիք նախագահական ընտրությունների արդյունքներով հավաքել քվեների 60 տոկոսը:
Իհսանօղլուին հիշեցրել է, որ 76 միլիոն բնակչությամբ Թուրքիայում առաջին անգամ նախագահին ընտրելու է ժողովուրդը, իսկ իր թեկնածությանն աջակցում է 5 կուսակցությունը: Իհսանօղլուն կարծում է, որ Թուրքիան Իրաքի, Սիրիայի, Եգիպտոսի ու Պաղեստինի հարցերում պետք է հանդես գա հրշեջի դերում և չպետք է աջակցի հակամարտող կողմերից որևէ մեկին:
Դրա հետ կապված՝ Իհսանօղլուն հիշեցրել է Թուրքիայի Հանրապետության հիմնադիր Մուսթաֆա Քեմալի Աթաթուրքի «Խաղաղություն երկրում, խաղաղություն աշխարհում» խոսքերը:
