Մոսկովյան դատարանը վճռել է հեռակա կարգով կալանքի տակ առնել Արսեն Ավակովին
Ռուսական ИТАР-ТАСС լրատվական գործակալության փոխանցմամբ՝ մոսկովյան դատարանն արտոնել է Ուկրաինայի ներքին գործերի նախարար Արսեն Ավակովին հեռակա կարգով կալանքի տակ առնելը: Դատարանի որոշումը վկայում է, որ Ավակովը ձերբակալման և Ռուսաստան բերվելու պահից սկսած՝ պետք է կալանքի տակ կգտնվի երկու ամիս:
Դատարանը, լսելով բոլոր կողմերին ու դիտարկելով ներկայացված նյութերը, վճռել է բավարարել Ավակովին հեռակա կարգով կալանավորելու մասին միջնորդությունը: Հետաքննությունը կարծում է, որ Արսեն Ավակովը մասնակից է Ուկրաինայի հարավ-արևելյան մարզերով արգելված մեթոդներով պատերազմ վարելուն:
Բացի այդ, Ռուսաստանում Ավակովին մեղադրում են սպանություններ կազմակերպելու, լրագրողների գործունեությանը խոչընդոտելու և մարդկանց առևանգելու համար: Մոսկովյան դատարանը, նույն նկատառումներից ելնելով, սրանից առաջ որոշել էր հեռակա կարգով կալանքի տակ առնել Ուկրաինայի Դնեպրոպետրովսկի մարզի նահանգապետ Իգոր Կոլոմոյսկուն:
