Իսրայելի բանակը գիշերը հարվածել է Գազայի հատվածում գտնվող 160 թիրախի
Ամերիկյան Associated Press լրատվական գործակալության փոխանցմամբ՝ պաղեստինցի արմատականները Գազայի հատվածից երկու հրթիռ են արձակել Թել Ավիվի ուղղությամբ: Այս մասին հայտնել է իսրայելական հեռուստատեսությունը: Իսրայելական «Երկաթե գմբեթ» ՀՕՊ-ի համակարգը ոսրացել է դրանք:
Իսրայելի պաշտպանության բանակը երեկ մասշտաբային գործողություններ է սկսել ՀԱՄԱՍ շարժման դեմ, որը շարունակ Իսրայելի տարածքը հրթիռակոծում է Գազայի հատվածից: Նախորդ օրերին պաղեստինցի զինյալներն Իսրայելի ուղղությամբ արձակել են ավելի քան 80 հրթիռ, որոնց մի մասը որսացել է Իսրայելի ՀՕՊ-ի համակարգը:
Իսրայելը գիշերը հարվածներ է հասցրել Գազայի հատվածում ընկած 160 թիրախի, որոնցից 120-ը՝ հրթիռային սարքեր են, 10 թունել և 6 հրամանատարական նշանակության օբյեկտ: Որոշակի տվյալներով՝ դրա հետևանքով զոհվել է 24 և վիրավորվել է ավելի քան 200 մարդ:
