Իլհամ Ալիևը մասնակցել է Ադրբեջանի դեսպանների հինգերորդ խորհրդաժողովին
Ադրբեջանական APA լրատվական գործակալության փոխանցմամբ՝ այսօր ԱԳՆ-ում կայացել է Ադրբեջանի դեսպանների 5-րդ խորհրդաժողովը, որին մասնակցել է նաև Ադրբեջանի նախագահ Իլհամ Ալիևը:
Իր ելույթում Ադրբեջանի արտգործնախարար Էլմար Մամեդյարովը պատմել է 4-րդ խորհրդաժողովից հետո կատարված աշխատանքների մասին: Ադրբեջանի դեսպանների խորհրդաժողովն անցկացվում է երկու տարին մեկ անգամ:
Խորհրդաժողովում քննարկվում են Ադրբեջանի արտաքին քաղաքականության օրակարգում գտնվող հարցեր, ինչպես նաև ապագա գործունեության ուղղությունները: