Նուրի ալ-Մալիքին երրորդ անգամ է հավակնում Իրաքի վարչապետի պաշտոնին
BBC-ի փոխանցմամբ` Իրաքի վարչապետ Նուրի ալ-Մալիքին հայտարարել է, որ չի հրաժարվի վարչապետի պաշտոնին հավակնելու իր մտադրությունից` չնայած թե’ երկրի ներսում, թե’ երկրից դուրս գործադրվող ուժեղ ճնշմանը: Մալիքիի ելույթը հեռարձակվել է Իրաքի պետական հեռուստատեսությամբ:
Նա հայտարարել է, որ երդվել է Ալլահի առաջ, որ շարունակելու է զինված ուժերի ու կամավորների հետ կողք կողքի պայքարել այնքան ժամանակ, մինչև որ իրենք չհաղթեն Իրաքի ու նրա ժողովրդի թշնամիներին: Մալիքին Իրաքի վարչապետի պաշտոնը զբաղեցնում է 2006 թվականից:
Այս տարվա ապրիլին Մալիքիի գլխավորած շիական կուսակցությունների դաշինքը հաղթել է Իրաքի խորհրդարանական ընտրություններում: Սակայն շատերը Մալիքիին մեղադրում են Իրաքում ճգնաժամի սրվելու մեջ` կապված սուննի փոքրամասնությանը հալածելու քաղաքականություն վարելու հետ:
