ՌԴ-ը զորավարժություններ է սկսել Սև ծովում, ուր մուտք է գործել ՆԱՏՕ-ի նավախումբը
Ռուսական ИТАР-ТАСС լրատվական գործակալության փոխանցմամբ՝ այսօր մեկնարկել են Ռուսաստանի Սևծովյան նավատորմի զորավարժությունները: Այս մասին հայտնել է ՌԴ ՊՆ-ի մամլո ծառայությունը:
Զորավարժություններում ներգրավված է մոտ 20 ռազմանավ ու օժանդակ նավ, ավելի քան 20 ուղղաթիռ ու ինքնաթիռ, ծովային հետևակ և առափնյա հրետանի: Զորավարժությունները մեկնարկել են թևավոր հրթիռների արձակմամբ, որոնք խոցել են իրենց թիրախները:
Այսօր Սև ծով է մուտք գործել 4 նավից բակցած ՆԱՏՕ-ի նավախումբը (SNMCMG-2): Այն Բուլղարիայի ռազմածովային ուժերի հետ իրականացնելու են «Բրիզ» զորավարժությունները, որոնք կտևեն մինչև հուլիսի 13-ը: Դրանով իսկ Սև ծովում ՆԱՏՕ-ի ռազմանավերի թիվը կկազմի 8:
