Femen-ի ակտիվիստուհիները բողոքի ակցիա են անցկացրել Շվեդիայի վարչապետի ելույթի ժամանակ
Ռուսական ИТАР-ТАСС լրատվական գործակալության փոխանցմամբ՝ Femen միջազգային ֆեմինիստական կազմակերպության ակտիվիստուհիները երեկ բողոք են հայտնել շվեդական Գոթլանդ կղզում օգտակար հանածոներ արդյունահանելու մասին որոշման կապակցությամբ:
Femen-ի 4 ակտիվիստուհի բողոքի ակցիա են կազմակերպել Շվեդիայի վարչապետ Ֆրեդիկ Ռեյնֆելդտի ելույթի ժամանակ: Նրանք հանել են իրենց կրծկալներն ու հնչեցրել տարբեր կարգախոսներ: Դրանով իսկ նրանք իրենց բողոքն են հայտնել ոչ վաղ անցյալում Շվեդիայի կառավարության կայացրած որոշման կապակցությամբ:
Բողոքի ակցիան ունեցել է իր ավանդական վախճանը. ոստիկանները ձերբակալել են ակտիվիստուհիներին, իսկ քաղաքական գործիչը հանգիստ շարունակել է իր ելույթը: Ընդգծվում է, որ ակտիվիստուհիները Շվեդիայի, Ֆրանսիայից ու Իսպանիայի քաղաքացիներ են, որոնց մարմիններին գրված է եղել «Լոբբիստնե՛ր, հեռացե՛ք ձեր տները»:
