Սաակաշվիլին կարծում է, որ Վրաստանի նոր իշխանությունների համար վատ կանդրադառնա Ուգուլավայի ձերբակալումը
Грузия Online-ի փոխանցմամբ՝ Վրաստանի նախկին նախագահ Միխեիլ Սաակաշվիլին Կիևում հանդիպել է «Ազգային միասնական շարժում» կուսակցության ներկայացուցիչների հետ:
Հանդիպման ժամանակ Սաակաշվիլին մեկնաբանել է Թբիլիսիի նախկին քաղաքապետ Գիգի Ուգուլավայի ձերբակալման փաստը և հանդարտության կոչ է արել իր կուսակիցներին.
«Դուք գիտեք, որ այստեղ պլանավորված էր քաղաքական առաջնորդների հետ Գիգի Ուգուլավայի հետ հանդիպում: Երեկ այստեղ մեզ հետ էր նաև Կիևի նոր քաղաքապետ Վիտալի Կլիչկոն: Նաև պլանավորված էր Քիշնևում տեղական ինքնակառավարման կոնգրես, և Ուգուլավային այնտեղ թույլ չտվեցին նախ մեկ, ապա մյուս պատճառով»:
Սաակաշվիլու խոսքերով՝ այդ ամենը կանցնի և անպայմանորեն վատ կանդրադառնա նրանց համար, ովքեր անում են դա:
