Մոսկվայի ու Կիևի միջև գազային վեճի շարունակման դեպքում աշնանը կծագի գազային լիարժեք ճգնաժամ. Մեդվեդև
Ռուսական РИА Новости լրատվական գործակալության փոխանցմամբ՝ Ռուսաստանի վարչապետ Դմիտրի Մեդվեդևը մեկնաբանել է Ուկրաինայում տիրող իրավիճակը՝ հայտարարելով, որ Մոսկվայի ու Կիևի միջև գազային վեճի շարունակման դեպքում աշնանը կծագի գազային լիարժեք ճգնաժամ:
Մեդվեդևն այդ մասին գրել է Facebook-ի իր էջում. «Ուկրաինան չի վճարում գազի համար: Պարտքն ահռելի է: Գազը վերցնում են ստորգետնյա ապաստարաններից: Աշնանը կծագի գազային լիարժեք ճգնաժամ»:
Ռուսական «Գազպրոմը» Ուկրաինային գազ մատակարարելու համար հունիսի 16-ից անցում է կատարել կանխավճարային համակարգի և ներկա դրությամբ Ուկրաինա է հասնում միայն Եվրոպայի համար նախատեսված ռուսական գազը, որը տարանցվում է Ուկրաինայի տարածքով:
«Գազպրոմը» նաև սպառնացել է եվրոպական ընկերություններին, որպեսզի նրանք չիրականացնեն ռուսական գազի ռևերսային մատակարարումներ Ուկրաինային:
