Թուրքիայի ընդդիմադիր կուսակցություններից մեկը նախագահական ընտրություններում չի քվեարկի Իհսանօղլուի օգտին
Թուրքական Milliyet թերթի փոխանցմամբ՝ թուրքական ընդդիմադիր «Ճշմարիտ ուղի» կուսակցությունը (DYP) հայտարարել է, որ նախագահական ընտրություններում չի քվեարկելու ընդդիմության միասնական թեկնածու Էքմելեդդին Իհսանօղլուի օգտին:
Որպես դրա պատճառ է նշվում ընդդիմադիր այլ կուսակցությունների հետ առկա քաղաքական տարաձայնությունները, որոնք աջակցում են Իհսանօղլուի թեկնածությանը: Թուրքիայում նախագահական ընտրություններն անցկացվելու են օգոստոսի 10-ին: Հնարավոր երկրորդ փուլը կանցկացվի օգոստոսի 24-ին:
