Կարասինն ու Աբաշիձեն քննարկել են Պրահայի հանդիպման հարցը
Новости-Грузия լրատվական գործակալության փոխանցմամբ՝ Ռուսաստանի փոխարտգործնախարար Գրիգորի Կարասինը հեռախոսազրույց է ունեցել Վրաստանի վարաչապետի՝ Ռուսաստանի հետ հարաբերությունների կարգավորման հարցերով Զուրաբ Աբաշիձեի հետ: Այս մասին հայտնել է ՌԴ ԱԳՆ-ը:
Հեռախոսազրույցի ժամանակ կողմերը քննարկել են առաջիկա օրերին (հուլիսի 7-ին) Պրահայում կայանալիք խորհրդատվական հանդիպման նախապատրաստման հարցը, որին մասնակցելու են երկու երկրների տնտեսական գերատեսչությունների փորձագետները:
Նրանք քննարկելու են ռուս-վրացական առևրա-տնտեսական կապերի հեռանկարները՝ հաշվի առնելով այն, որ Վրաստանը հունիսի 27-ին ԵՄ-ի հետ ստորագրել է Ասոցացման համաձայնագիր:
ՌԴ ԱԳՆ-ն անխուսափելի է համարում, որ այդ իրադարձությունն ազդելու է տնտեսական ոլորտում երկկողմ հարաբերությունների վրա, ինչի համար էլ անհրաժեշտ է վերլուծել դրա հետ կապված նոր գործոնները:
Ինչ վերաբերում է Կարասինի ու Աբաշիձեի հերթական հանդիխմանը, ապա այն պլանավորված է հուլիսի 9-ին, Պրահայում և կանցկացվի սովորական ձևաչափով:
