Պորոշենկոն ներկայացրել է հրադադարի ռեժիմի վերականգնման համար իր պայմանները
ZN.UA-ի փոխանցմամբ՝ Ուկրաինայի նախագահ Պյոտր Պորոշենկոն երեկ երեկոյան հեռախոսազրույց է ունեցել Եվրախորհրդարանի նախագահի պաշտոնում վերընտրված Մարտին Շուլցի հետ, որի ժամանակ քննարկել է երկրի արևելքում տիրող իրավիճակը: Այս մասին հայտնել է Պորոշենկոյի մամլո ծառայությունը:
Նրա հաղորդմամբ՝ Պորոշենկոն հեռախոսազրույցի ժամանակ շնորհավորել է Շուլցին՝ վերընտրման կապակցությամբ: Պորոշենկոն հայտարարել է, որ Ուկրաինայի արևելքում հակաահաբեկչական գործողությունը կդադարեցնի որոշակի պայմանների դեպքում:
Պորոշենկոն մանրամասնել է, որ պատրաստ է վերականգնել հրադադարի ռեժիմը, եթե ձեռք բերվի ուժ կիրառելուց երկկողմ հրաժարում, սահմանային վերահսկողության վերականգնում՝ ԵԱՀԿ-ի դիտարկման ուղեկցությամբ և բոլոր պատանդների ազատ արձակում:
Պորոշենկոն ընդգծել է, որ հույսեր է կապում Շուլցի աջակցության հետ՝ կապված Ուկրաինայի ու ԵՄ-ի միջև հարաբերությունները համակարգելու հետ՝ մասնավորապես Ուկրաինայի կողմից ԵՄ-ին անդամակցելու հեռանկար ստանալու համար:
