ԱՄՆ-ն Իրաքին կոչ է արել շուտափույթ ձևավորել նոր կառավարություն
Ամերիկյան Associated Press լրատվական գործակալության փոխանցմամբ՝ ԱՄՆ-ն Իրաքին կոչ է անում շուտափույթ ձևավորել նոր կառավարություն: Այս մասին երեկ հայտարարել է ԱՄՆ պետդեպարտամենտի ներկայացուցիչ Մարի Հարֆը:
Նա կարևորել է Իրաքում հնարավորինս արագ նոր կառավարության ձևավորումը և իրաքցի քաղաքական գործիչներին կոչ է արել գործել անհապաղ, քանի որ դա է պահանջում ստեղծված իրավիճակը: Հարֆի խոսքերով՝ ժամանակն աշխատում է Իրաքի դեմ:
Սակայն Իրաքի նորընտիր խորհրդարանի պատգամավորները երեկ չեն կարողացել ընտրել իրենց նախագահին՝ կապված քվորումի բացակայության հետ: Ակնկալվում է, որ Իրաքի խորհրդարանի նոր նիստը կանցկացվի հուլիսի 8-ին:
Ապրիլի վերջին Իրաքում անցկացվել էին խորհրդարանական ընտրություններ, որոնցում հաղթանակ էր տարել վարչապետ Նուրի ալ-Մալիքիի դաշինքը:
