Եվրոպան վաղ թե ուշ ստիպված կլինի պատժամիջոցներ սահմանել ՌԴ-ի նկատմամբ. Սաակաշվիլի
Грузия Online-ի փոխանցմամբ՝ Վրաստանի նախկին նախագահ Միխեիլ Սաակաշվիլին հայտարարել է, որ եթե Ուկրաինայում իրավիճակն ընթանա պուտինյան սցենարով, ապա Եվրոպան իր տարածքում կստանա միլիոնավոր փախստականներ, որոնց չի կարողանա ընդունել Ուկրաինան.
«Դա կարող է լինել ավելի մեծ բան, քան Միլոշևիչի պատերազմի ժամանակ գրանցված հումանիտար խոշոր ճգնաժամն է, երբ հարյուր հազարավոր բոսնիացիներ ու ալբաններ մուտք գործեցին ԵՄ-ի երկրներ ու Շվեյցարիա:
Բացի այդ, տվյալ դեպքում Ուկրաինայի արևելքում կկազմավորվի չվերահսկվող գոտի, որտեղից Եվրոպայի ուղղությամբ կիրականացվի զենքի ու թմրանյութերի առևտուր»:
Սաակաշվիլին կարծում է, որ Եվրոպան ներկայումս գտնվում է այնպիսի իրավիճակում, որ վաղ թե ուշ հարկադրված է լինելու պատժամիջոցներ սահմանել, և որքան ուշ տեղի ունենա դա, այնքան ավելի շատ կտուժի ոչ միայն Ուկրաինան, այլև ինքը՝ Եվրոպան:
