ՌԴ ԱԳՆ-ը Կիևի կողմից հրադադարի չերկարաձգումը կապում է արտաքին ազդեցության հետ
Gazeta.ru-ի փոխանցմամբ՝ Ուկրաինայի իշխանությունները կարող էին արտաքին ազդեցության ներքո հրաժարվել երկրի արևելքում հրադադարի երկարաձգումից: Այս մասին հայտնել է ՌԴ ԱԳՆ-ի մամլո ծառայությունը.
«Տպավորություն է ստեղծվում, որ Կիևի դիրքորոշման փոփոխումը՝ ներառյալ հուլիսի 1-ի գիշերը հրադադարի ռեժիմը չերկարաձգելու մասին հայտարարությունը, տեղի չի ունեցել առանց արտաքին ազդեցության՝ ի հակադրումն ԵՄ-ի անդամ առաջատար երկրների դիրքորոշմանը»: ՌԴ ԱԳՆ-ն ափսոսանք է հայտնել, որ Կիևը հրաժարվել է ընդունել ռուս-ուկրաինական սահմանին ԵԱՀԿ-ի դիտորդներ տեղակայելու մասին հռչակագիրը:
