Զինյալները հայտարարել են Դոնեցկի մարզում ինքնաթիռ կործանելու մասին
Ռուսական РИА Новости լրատվական գործակալության փոխանցմամբ՝ Դոնեցկի մարզում գործող զինյալներն այսօր առավոտյան ինքնաթիռ են կործանել: Այս մասին հայտարարել է ինքնահռչակ Դոնեցկի ժողովրդական հանրապետության (ԴԺՀ) ջոկատների ներկայացուցիչը:
Նրա խոսքերով՝ առավոտյան հրետանային հարվածներ են հասցվել իրենց դիրքերին, ինչպես նաև վրա են հասել ինքնաթիռները, որոնք սկսել են հրթիռային հարվածներ հասցնել: Նա ընդգծել է, որ իրենց հաջողվել է զենիթային գնդացիրի օգնությամբ վայր գցել այդ ինքնաթիռներից մեկին:
Չի հաղորդվում, թե ինչ տիպի ինքնաթիռ է կործնավել: Ուկրաինայի նախագահ Պյոտր Պորոշենկոն չի երկարաձգել երեկ սպառված հրադադարի ռեժիմի ժամկետը և որոշել է վերսկսել հակաահաբեկչական գործողությունը:
