ԱՄՆ-ը Հայաստանին ու Ադրբեջանին կոչ է արել ակտիվացնել ջանքերը ԼՂ-ի խնդրի կարգավորման ուղղությամբ
Ադրբեջանական Turan լրատվական գործակալության փոխանցմամբ՝ ԱՄՆ պետքարտուղարի օգնականի տեղակալ Բրենտ Հարթլին Վիեննայում ԵԱՀԿ-ի՝ անվտանգության հարցերով տարեկան կոնֆերանսի ժաանակ Հայաստանին ու Ադրբեջանին կոչ է արել ակտիվացնել ջանքերը Ղարաբաղյան հակամարտության կարգավորման ուղղությամբ.
«Մենք հուսով ենք, որ Հայաստանի ու Ադրբեջանի նախագահները կընդունեն մոտ ժամանակներս Փարիզում հանդիպելու մասին Ֆրանսիայի նախագահ Ֆրանսուա Օլանդի առաջարկը:
Շվեյցարիայի նախագահ Դիդիե Բուրկհալտերը կոչ է արել բանակցությունները դարձնել ավելի առարկայական, ինչը կողմերին հնարավորություն է տալիս առաջ մղել խաղաղության գործընթացը:
Կողմերի միջև ժողովրդական դիվանագիտության ջանքերը նույնպես կարող են նպաստել ամուր կարգավորմանը՝ երկու երկրների քաղաքացիներին օգնելով պատրաստվել խաղաղության»:
