Սանկտ Պետերբուրգում անհայտ չարագործները կրակել են Հայաստանի քաղաքացու վրա
Սանկտ Պետերբուրգի հյուսիսային մասում անցած գիշեր երկու անհայտ անձինք տրավմատիկ ատրճանակից կրակել են Հայաստանի 33-ամյա մի քաղաքացու եւ նրա զարմիկի վրա, հաղորդում է РИА Новости գործակալությունը` վկայակոչելով իրավապահ մարմիններում իր աղբյուրներին:
Միջադեպը տեղի է ունցել «ОКей» խանութի մերձակայքում գտնվող կանգառի մոտ: Նրանց մոտեցել են երկու սափրագլուխներ, որոնցից մեկը մոտ 30 տարեկան, եվրոպական արտաքինով: «Հայցվորի եւ անհայտ անձանց միջեւ վիճաբանություն է ծագել, որի ժամանակ անհայտ անձանցից մեկը հանել է տրավմատիկ ատրաճանակն ու 3-4 կրակոց արձակել»,- նշել է գործակալության զրուցակիցը` ավելացնելով, որ վնասվել է Հայաստանի քաղաքացու ականջը: Տուժողը հայց է ներկայացրել ոստիկանություն:
