Սպասարկման սրահի տանիքը քանդել և գողություն է կատարել

Փետրվարի 11-ին ոստիկանության Նոր Նորքի բաժնում հաղորդում է ստացվել, որ մի հիմնարկության սպասարկման սրահից գողություն է կատարվել:

Պարզվել է, որ փետրվարի 10-ի ժամը 20.10-ից մինչև փետրվարի 11-ի ժամը 08.50-ն ընկած ժամանակահատվածում, տեխնիկական միջոցների գործադրմամբ, Երևանի Գայի պողոտայում գործող ընկերության սպասարկման սրահի մենեջերի առանձնասենյակի տանիքը քանդելով` առաստաղը հանելով, մտել են ներս և գողացել 720.000 դրամ, տարբեր տեսակի 7 բջջային հեռախոս` պատճառելով 1.270.000 դրամի նյութական վնաս:

Ոստիկանության Նոր Նորքի բաժնի ծառայողները փետրվարի 20-ին, ժամը 14.50-ին, Նորքի 1-ին զանգվածի Ջուղայի փողոցի 5 շենքի բակից, գողություն կատարելու կասկածանքով, բերման են ենթարկել 1990 թ. ծնված Անդրանիկ Բ.-ին: Նա խոստովանական ցուցմունք է տվել, որ փետրվարի 11-ի գիշերը, ժամը 04.00-ի սահմաններում, հետին պատը քանդելով, այնուհետև կախովի առաստաղը հանելով` մտել է նշված սրահ և գողություն կատարել:

Անդրանիկ Բ.-ն ձերբակալված է:

Կատարվում է նախաքննություն:

ՀՀ Ոստիկանություն