Սմարթֆոնների նոր ծրագրերը կփոխարինեն լաբորատորիաներին և իսկական բժիշկներին
Մոտ ժամանակներս արդեն շուկայում կհայտնվեն բջջային հավելվածներ, որոնք կօգնեն ախտորոշել էպիլեպսիայի նոպաները եւ տեղեկատվություն ստանալ ինսուլտի ժամանակ առավել համապատասխան թերապիա կիրառելու վերաբերյալ, հաղորդում է Medical News Today-ը:
Հավելվածների պատրաստման համար մասնագետները վերլուծել են բազմաթիվ հիվանդների տվյալները: Փորձնական կիրառման արդյունքները ցույց են տվել, որ էպիլեպսիաների նոպաներն ախտորոշող հավելվածը ճշգրիտ տեղեկություն է տվել 87% -ի դեպքում, իսկ բժիշկները` 96% -ի դեպքում: Դա հնարավորություն է տալիս հավելվածը համարել որպես լիարժեք ախտորոշիչ սարք:
Ինչ վերաբերում է երկրորդ հավելվածին, ապա այն օգնում է բժիշկներին ժամանակին եւ անհրաժեշտ օգնություն ցուցաբերել ծանր ինսուլտ տարած անձանց: Արդյունավետ թերապիա ընտրելու համար բժիշկները երբեմն ստիպված են լինում տեղեկություններ ստանալ տարբեր մասնագետներից, ինչը բավականին մեծ ժամանակ է պահանջում, իսկ հավելվածը միավորում է բոլոր տվյալները: Այս հավելվածը ներկայումս կլինիկական փորձարկում է անցնում:
