Յանուկովիչը 2014թ. արտահերթ ընտրություններ անցկացնելու պատրաստակամություն է հայտնել
Ուկրաինայի նախագահ Վիկտոր Յանուկովիչը 2014թ-ին արտահերթ նախագահական ընտրություններ անցկացնելու պատրաստակամություն է հայտնել: Այս մասին հաղորդում է Reuters գործակալությունը` վկայակոչելով Լեհաստանի վարչապետ Դոնալդ Տուսկին:
Տուսկը նշել է, որ Եվրամիության ներկայացուցիչների հետ բանակցությունների ընթացքում Յանուկովիչը արտահերթ ընտրությունների անցկացման պատրաստակամություն է հայտնել: Նա ասել է, որ Լեհաստանի, Գերմանիայի եւ Ֆրանսիայի արտգործնախարարները փորձում են անել հնարավորը` Ուկրաինայում արյունահեղությունը դադարեցնելու համար:
