Րաֆֆի Հովհաննիսյանը հանդիպել է բրիտանացի պատգամավորների հետ
Հայաստան այցի շրջանակներում այսօր Րաֆֆի Կ. Հովհաննիսյանն ընդունեց Միջխորհրդարանական միության բրիտանական խմբի ղեկավար Ջոն Ուիթինգդեյլին եւ խմբի անդամներ՝ Միացյալ Թագավորության Լորդերի պալատի փոխնախագահներ բարոնուհի Գլորիա Հուփերին, լորդ Ռիչարդ Ֆոլքներին, ինչպեսեւ Համայնքների պալատի անդամներ Սթիվեն Փաունդին ու Մայք Գեյփսին: Այս մասին տեղեկացնում են «Ժառանգություն» կուսակցության գրասենյակից:
Ըստ հաղորդագրության՝ հանդիպման ընթացքում արծարծվեցին տարածաշրջանային զարգացումներին, Հայաստանի ներքին` ժողովրդավարական-իրավական եւ արտաքին քաղաքականության գերակայություններին, ինչպես նաեւ Հայոց ցեղասպանության 100-ամյա տարելիցին ու Արցախի ինքնիշխանության եւ ամբողջականության միջազգային ճանաչման հրամայականին առնչվող հարցեր:
«Զրուցակիցները հույս հայտնեցին, որ Միացյալ Թագավորության խորհրդարանը, ըստ ամենայնի, կանդրադառնա նշյալ հիմնախնդիրներին»,- ասված է հաղորդագրության մեջ:
